Wednesday, 26 July 2017
Headlines Military News Tagalog News

AFP, patuloy ang isinasagawang imbestigasyon sa pagkamatay ni Hapilon

 

Official Photo CSAFPHindi pa makumpirma ni AFP chief of staff General Eduardo Ańo na patay na nga si Basilan based Abu Sayyaf leader Isnilon Hapilon na napabalitang nasugatan sa enkwentro nuong buwan ng Pebrero sa Maguindanao.

Batay kasi sa report ng militar na matindi ang tinamong sugat ni Hapilon sa nasabing enkwentro.

Una rito inihayag ni Pangulong Rodrigo Duterte na patay na si Hapilon batay sa impormasyon na nakuha ng pangulo.

Ayon kay Ańo, wala pang kumpirmasyon mula sa kanilang field units na patay na ang nasabing ASG leader at patuloy nila itong bina validate.

Aminado si chief of staff na may kumakalalat na report na patay na nga si Hapilon.

“There are raw reports but we still have no confirmation that Hapilon is really dead. Operations against his group will continue in Lanao provinces and Basilan,” pahayag ni Ańo.

Inihayag ni Ańo na sa kanilang latest information na apat na miyembro ng Abu Sayyaf ang nababantay kay Hapilon kung saan palipat lipat ang mga ito ng lugar sa kabundukan ng Butig.

Sa kabilang dako itinanggi naman ni AFP spokesman Brig. Gen. Restituto Padilla ang nasabing ulat.

“We have no info as of this date this is why the President said “supposes.” We will continue ongoing efforts to ascertain this,” mensahe na ipinadala ni Padilla.

 

Post Comment